Жетісуда «J-LEAGUE» жобасы аясында «Шұбар доп» пен «Алтын доп» турнирлерінің ақтық кезеңі

Жетісуда «J-LEAGUE» жобасы аясында «Шұбар доп» пен «Алтын доп» турнирлерінің ақтық кезеңі басталды

Жетісу облысында Мемлекет басшысы Қасым-Жомарт Тоқаевтың бұқаралық спортты дамыту жөніндегі тапсырмасына сәйкес қолға алынған «J-LEAGUE» жобасы аясында жасөспірімдер арасындағы волейболдан «Шұбар доп» және баскетболдан «Алтын доп» жарыстарының ақтық кезеңі басталды.

Аталған жобаның іріктеу кезеңдеріне облыс бойынша 887 команда, яғни 8870 бала қатысқан болатын. Соның ішінен 600-ге жуық үздік жас спортшы ақтық сынға жолдама алып, бүгінде шешуші кезеңде бақ сынауда.

Жарыстар үш жас санаты бойынша өтуде. Финал нәтижесінде жеңімпаз атанған 9 команданың ойыншыларына 90 балаға жазғы демалыс лагеріне тегін жолдама, сондай-ақ арнайы спорттық киімдер мен волейбол және баскетбол доптары сыйға тартылады.