09
февраль
2023
«Аққулар ұйықтағанда» поэмасы
2023 жылдың 9 ақпанында мектебімізде қазақ тілі мен әдебиеті пәні мұғалімдері мен Жетісу университеті білімгерлерінің ұйымдастыруымен ақиық ақын Мұқағали Мақатаевтың туған күніне орай «Дара тұлға, ұлы шайыр, бір өрен, жырларына сыйып жатқан бар әлем» тақырыбында әдеби-сазды кеш өтті. Әдеби кеште мұзбалақ ақынның көркем лирикалық өлеңдері оқылып, «Аққулар ұйықтағанда» поэмасынан сахналық көрініс қойылды. Сонымен бірге мектебіміздің өнерлі оқушылары Мұқағали Мақатаевтың сөзіне жазылған әндерді шырқаса, 7 «Б» сынып оқушылары мың бұрала билеген биімен көпшілікті тәнті етті. Әдеби кешке Жетісу университетінің оқытушылары профессор Ансабаев Дүйсен Сандыбайұлы, Сырлыбаева Гүлнар Төребекқызы, Сүлейменова Гульмира Саятқызы арнайы келіп қатысты.
