«Адам өміріндегі діннің рөлі»

Мектебімізде Алматы облысы жастар саясаты мәселелері басқармасы, жастар ресурстық орталығы «Jas Otan» ЖҚ және директордың тәрбие ісі жөніндегі орынбасары К. Туракбаевтың ұйымдастыруымен «Адам өміріндегі діннің рөлі» атты имани кездесу орын алды. Оған Талдықорған қаласы «Нұр» мешітінің наиб имамы Жансерік Өмірсерікұлы қатысты.
Ж. Өмірсерікұлы діннің қоғамда алатын орны жайында баяндай келе, халқымыздың дін мен дәстүрді қалай ұйыстырып, өз өмірлерінде шамшырық етіп ұстанғандығы жайында айтып өтті. Дәстүрге қатысты көптеген мысалдарды түсіндіріп, тәлімді уағыз айтып, иманды болуды, ата-ананы қадірлеуді, жаман әдеттерден аулақ, ұлтжанды азамат болуды және теріс ағымдардан сақтануды баса назарда түсіндірді.
Жастар ресурстық орталығының психолог маманы С. Дурыскелдинова отбасы құндылықтары, отбасындағы жауапкершілік жайлы айтып өтті.