1 сыныпқа қабылдау
- Құжаттарды қайда және қашан тапсыру керек
Құжаттар 2023 жылғы 1 сәуірден 1 тамызға дейінгі кезеңде тапсырылуы тиіс. Ата-аналар (заңды өкілдер) құжаттарды екі жолмен бере алады: Электрондық Үкімет сайты арқылы (egov.kz) немесе тікелей мектепке.
- Құжаттарды электрондық Үкімет сайты арқылы (egov.kz) арқылы қалай тапсыруға болады
Сайтта өтінімді ресімдеу үшін ата-ананың немесе заңды өкілде болуы қажет: •
1). ЭЦҚ;
2). Екі телефон нөмірі (негізгі және қосымша);
3). Электрондық пошта мекенжайы.
- 1. Өтініш. Нысан сайтта толтырылады.
- 2. Баланың денсаулық жағдайы туралы медициналық анықтамалар 026/у-3 және 065/у нысандары (тіркеу орны бойынша медициналық мекемелер ұсынады.)
- 3. Баланың сандық фотосуреті 3х4 см.
Аталған құжаттарды сканерлеу қажет
Нысанды толтырып, құжаттарды тіркеудің максималды уақыты-15 минут.
- Офлайн режимінде құжаттарды қалай тапсыруға болады
Сайт арқылы жүгінуден басқа, ата-аналар құжаттарды тікелей мектепке жіберуге құқылы. Білім беру ұйымының қызметкері ата-анасынан алынған құжаттарды тіркейді және бір жұмыс күні ішінде оларға баланың 2023 жылғы 1 қыркүйектен бастап мектепке қабылданатыны туралы бекітілген үлгідегі қолхат немесе дәлелді бас тарту туралы қолхат береді.
Қандай құжаттарды тапсыру керек: *
1). баланың ата-анасынан немесе басқа заңды өкілдерінен өтініш; *
2).өтініш берушінің жеке куәлігінің көшірмесі;
3). 3х4 өлшемді фотосуреттер екі дана;
4). 026/у-3 және 065/у нысандары бойынша баланың денсаулық жағдайы туралы медициналық анықтамалардың түпнұсқалары.