Діни экстремизм алдын алу

Мектебімізде ағымдағы жылдың қараша айының 30 жұлдызында «Діни экстремизм мен терроризм әлемге төнген қауіп» тақырыбы аясында оқушылармен жиын өткізілді. Аталмыш шараға директордың тәрбие ісі жөніндегі орынбасары Қ.А.Жумагалиев, мектеп психологы А.Мамырбаева, А.Маусанбекова және Алматы облыстық дін істер басқармасының маманы, дінтанушы, психолог Қанат Маратұлы қатысты. Жиналыста маңызды мәселелердің бірі турасында сөз алған Қанат Маратұлы өз тарапынан қауіпті діни ағымдар туралы,әлеуметтік желінің зардабы жайында, ата – анаға деген құрмет туралы түсінік берді. Аталмыш іс-шарада бала құқығы, тәрбиесі, мектеп өмірі, әлеуметтік сайттардың зияны, дін ағымдары, оқушы психологиясы, құқық бұзушылық сыңды өзекті тақырыптар қозғалып талқыға салынды. Қазақта «Баланың бас ұстазы - ата-анасы» деген сөз бар. Жас кезінде дұрыс тәрбие алмаса есейе келе тәртібі қиындап, оқу үлгерімі нашарлап кетеді. Мұндай жағдайларда «не істеу керек» деген ой туады.Қазіргі баланың ұялы телефонға деген әуестігі күн артып өсіп келеді. Оның пайдасы қандай деген сұрақ туындайды. Әрине, ата-аналар балаларының оқу - үлгеріміне күнделікті назар аударып, оны қадағалап отыруы қажет. Тәрбие ешқандай үзіліс, демалыс күндер дегенді білмейді. «Ұлды тәрбиелеп отырып, жер иесін тәрбиелейміз, қызды тәрбиелей отырып, ұлтты тәрбиелейміз» деп өз кезегінде бірлесе жұмыс істеуге шақырды.
Қорыта келгенде МАҒЖАН ЖҰМАБАЕВ айтқандай: "Тәрбиедегі мақсат - баланы тәрбиешінің дәл өзіндей етіп шығару емес, келешек өз заманына лайық қылып шығару”,- деген екен.
Келешекте жас ұрпақты бар мейірімі мен күш жігерін сарп етіп, болашақ еліміздің тұтқасы болуына ата - ана еңбек етсе, үштік ортамыз (оқушы-ұстаз-ата-ана) ұйымшылдықпен болашақтың тізгінін ұстар, халықтың үмітін ақтар, дені сау, білімді де саналы ұрпақ өсіруіміз керек.