12
май
2023
Құрметті ата-аналар және мектеп бітіруші түлектер!
Құрметті ата-аналар және мектеп бітіруші түлектер! «№17 орта мектеп» КММ-нің әкімшілігі бүгінгі таңда қоғамның өзекті мәселесіне айналып отырған сыбайлас жемқорлықтың алдын алу және білім алушылар арасында құқықбұзушылыққа алып келетін жағдайларға жол бермеу мақсатында ата-аналар жиналысы өткізілгендігін хабарлаймыз. Ата-аналар жиналысында күн тәртібінде қозғалған тақырып: ата-аналар мен білім алушылар тарапынан ақша жинамау, мектеп бітіру кешін, бастауыш сыныппен қоштасу кешін, сыныпты безендіруге, қымбат көліктермен серуендеу немесе оны басқаруға, топ болып табиғат аясына серуенге шығуға мектеп әкімшілігі қатаң тыйым салатындығы ескертіліп, түсіндірме жұмысы жүргізілді.
Сонымен қатар, сынып жетекшілері мен пән мұғалімдеріне ата-аналардың қымбат әшекей бұйымдар мен түрлі сыйлықтарды сыйға тартуға тыйым салынатындығы да ескертілді. Төтенше жағдайлар мен құқықбұзушылықтың алдын алу мақсатында мейрамханаларда отырыс жасамау, тауға саяхатқа шықпау және т.б. демалыс орындарына бару мақсатында ақша жинауға тыйым салынатындығын ескертіп айтамыз. Құрметті ата-аналар, еліміздің ертеңі, болашағы ол – бүгінгі шәкірттеріміз болса, онда олардың жеке бастарының қауіпсіздігі біз үшін аса маңызды. «Тәртіпке бағынған құл болмайды», – деп Бауыржан атамыз айтқандай қатаң тәртіпті сіз болып, біз болып сақтауға шақырамыз!
